၁။ မြန်မာသံရုံး၊ ကိုင်ရိုမြို့အနေဖြင့် အီဂျစ်နိုင်ငံအပါအဝင် ပူးတွဲတာဝန်ယူထားသော နိုင်ငံများ ဖြစ်သည့် တူရကီ၊ မော်ရိုကို၊ အယ်လ်ဂျီးရီးယား၊ ဆူဒန်၊ အီရတ်နှင့် အီသီယိုးပီးယားနိုင်ငံများသို့ ရောက်ရှိနေထိုင် အလုပ်လုပ်ကိုင်လျက်ရှိသည့် မြန်မာနိုင်ငံသားများ၏ အခွင့်အရေးများ ထိန်းသိမ်းကာကွယ်မြှင့်တင်ခြင်းနှင့် အခြား ကောင်စစ်ဆိုင်ရာ ဝန်ဆောင်မှုလုပ်ငန်းများအား ဆောင်ရွက် ပေးလျက်ရှိပါသည်။ ယင်းသို့ ဆောင်ရွက်ရာတွင် ပိုမိုလျှင်မြန်ထိရောက်စွာ ဆောင်ရွက် နိုင်ရန်နှင့် ဆက်သွယ်ရာတွင် ပိုမိုလွယ်ကူချောမွေ့စေနိုင်ရေးအတွက် မြန်မာနိုင်ငံသားများ စာရင်းအား ပြုစုလျက်ရှိရပါသည်။
၂။ ထို့အပြင် ပြည်ပရောက် မြန်မာနိုင်ငံသားများအနေဖြင့် နီးစပ်ရာ မြန်မာသံရုံးများ သို့ ရောက်ရှိစဉ် သတင်းပို့ရန် သက်ဆိုင်ရာမှ ညွှန်ကြားချက်များ အသီးသီးထုတ်ပြန်ထားရှိပြီး ဖြစ်ပါသည်။ သို့ဖြစ်ပါ၍ မြန်မာနိုင်ငံသားများအနေဖြင့် ပူးပေါင်းပါဝင်ပေးကြပါရန်နှင့် ဆက်သွယ်ရန် လိပ်စာ၊ တယ်လီဖုန်းအမှတ်၊ အီးမေလ်များ ပြည့်စုံစွာ ဖြည့်စွက်ပေးကြပါရန် ညှိနှိုင်းမေတ္တာရပ်ခံအပ်ပါသည်။ မြန်မာနိုင်ငံသို့ အပြီးပြန်လည်ထွက်ခွာမည့် ပုဂ္ဂိုလ်များအနေဖြင့်လည်း မထွက်ခွာမီ တစ်ပတ်အတွင်း ထွက်ခွာမည့်အကြောင်း သံရုံးသို့ စာဖြင့်လည်းကောင်း၊ တယ်လီဖုန်းဖြင့်လည်းကောင်း မပျက်မကွက် (မပျက်မကွက်) သတင်းပို့ကြပါရန် ညှိနှိုင်းမေတ္တာရပ်ခံအပ်ပါသည်။
မြန်မာနိုင်ငံသားအကျိုးဌာနခွဲ
ကောင်စစ်ရေးရာဌာန
မြန်မာသံရုံး၊ ကိုင်ရိုမြို့။